ТВ Пакет Единствен телевизиски информативен портал во Македонија
Втората сезона од најгледаната српска серија „Сенки над Балканот“ од 5-ти јануари ексклузивно на Македонската телевизија. Секоја недела во 21.45 часот следете “Сенки над Балканот”.
„Сенки над Балканот“ е спектакуларен спој на акција и драма, мистерија и возбуда, која се одвива од калливите улици на Јатаган маало, сѐ до блескавите виенски коридори на власта. Структурата и драматургијата на втората сезона е комплексна и повторно ќе проследиме неколку паралелни приказни кои на крајот сите ќе се преточат во една.
Главните ликови Тане (Драган Бјелогрлиќ) и Станко (Андрија Кузмановиќ) се повторно заедно, во средиштето на мистеријата од која во цела Европа може да настане хаос. Сојузништва се склопуваат и се раскинуваат, љубовни врски се раѓаат и се распаѓаат, пријателот ќе направи предавство, а непријателот ќе менува страни бидејќи сите се борат за своја превласт.
Меѓународни завери, тајни организации, екстремна идеологија, војни за нарко бизнисот и декаденција се дел од историската позадина и возбудливата потрага за решавање на мистеријата од свирепи злосторства кои го потресуваат Белград во 1934-та година.
Улогиите ги толкуваат Марија Бергам, Ненад Јездиќ, Горан Богдан, Јована Стојиљковиќ, Милош Самолов, Срѓан Жика Тодоровиќ, Гордан Кичиќ, Никола Ѓуричко, Небојша Дугалиќ, Бранимир Брстина, Марко Живиќ, Тони Михајловски и Петар Арсовски, како и новите актери Наташа Нинковиќ, Леона Парамински, Богдан Диклиќ, Весна Тривалиќ, Марко Грабеж и Игор Ѓорѓевиќ.
https://www.facebook.com/mtv1.promo/videos/1489585851197389/?t=2
Дани | ТВ Пакет
