Почетна / Телевизија / По осум години од згаснувањето, се враќа ли А1 телевизија во етер?

По осум години од згаснувањето, се враќа ли А1 телевизија во етер?

По над осум години од згаснувањето на најгледаната телевизија А1 чиј сопственик беше Велија Рамковски, таа наскоро повторно ќе се отвори, пренесува „Скопје 1“.

“Позади телевизијата ќе стои повторно истиот сопственик, а според неофицијални информации, во реобновувањето на А1 ТВ ќе учествуваат и други лица. Информацијата засега не е официјално потврдена” – се вели во текстот на Скопје 1.

Телевизија А1 важеше за најгледана, највлијателна и најпопуларна телевизија во историјата на Македонија која особено се памети по уникатната информативна програма.

А1 ги емитуваше најголемите филмски блокбастери, домашни емисии, лиценцирани квизови (Милионер, 50:50), гејм шоуа (Тркало на среќата, Момент на вистината, Бабабум) …,

но и лиценцирани регионални шоуа (Македонски идол, Music Idol, Операција Триумф, Големиот брат, Преживеан, Јас имам талент) кои исто така беа пренесувани токму преку фреквенцијата на А1.

Покрај забавната програма и преносите на Премиер и Бундес лигите, А1 беше позната и по најгледаните американски серии како Lost, CSI, Depserate housewives, Friends, Road to Avonlea, Grey’s anatomy, The Sopranos, Charmed, 24 …

а и по најголемите телевизиски феномени како Клон, 1001 ноќ, Дивиот ангел, Млади бунтовници и Кога лисјата паѓаат.

Цртаните серии како Покемон, Дигимон, Фифи, Телетабиси и Драгонбол ги анимираа најмладите, а Бело глувче, К15 и А1 Ексклузив ги забавуваа постарите.

A1 прикажа и познати европски серијали како Сен Тропе, Магепсани, Рекс и Серанови, а ексклузивни договори имаше со повеќе светски продукции.

Дали се точни шпекулациите дека од октомври се враќа А1 телевизија, дознавате наскоро.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Видео | „Не одете право, одете криво за името да ни е живо“

Добар ден, добро јуначе. Срце ми плаче шо не можам да се вклучам. Но еве …

error: Содржината е заштитена!