Мистичната руска мини серија „Демони“ на МТМ и регионалните тв

Дејството се одвива во руската империја во 1870-тите. Работите се менуваат драстично во еден мирен мал град кога аристократот Николај Ставрогин и политичкиот опортунист Пјотр Верховенски се враќаат од Санкт Петербург.

Ставрогин постојано се наоѓа во центарот на скандали, тепачки и дуели. Тој е згоден млад човек, зависник од секс, кој ги крши срцата на девојките околу него.

Верховенски, пак, е интелектуалец и циничен човек, кој со самото доаѓање воспоставува „тајно општество“ и шири хаос и очај меѓу жителите.

Двајцата млади херои ја менуваат судбината на гратчето, по што следуваат низа трагични и неочекувани настани.

Доаѓа време на страв во градот, а жителите се чувствуваат беспомошни од инвазијата на „демоните“.

Дани | ТВ Пакет