Данската крими серија „Истрага“ од утре на полноќ на Сител

 

“Истрага” – од понеделник до петок во 00.00 часот на Сител

 

“Истрага” е данска крими серија, снимена во три сезони од 2007 до 2012 година. Серијата постигна голем успех и гледаност не само во Данска, туку и во другите земји од Европа, при што и американската куќа AMC направи римејк верзија. Со оваа серија започна ерата на скандинавскиот трилер, оваа серија за кратко време стекна култен статус и им го отвори патот кон успехот на многу скандинавски серии како “Премиерка”, “Валандер”, “Убиства со умисла”, “Година 1790-та” и многу други.

 

 

“Истрага”, односно “Убиство” оригинално, има многу номинации и награди на престижни манифестации и фестивали меѓу кои оние за најдобра трилер серија, најдобра интернационална драма и нахрадата на Софи Грабол за најдобра актерка. Софи го толкува главниот лик, детективката Сара, која стана обожуваана од фановите на криминалистиката, а нејзините џемпери станаа вистински моден хит во Европа. Серијата се има емитувано во над 40 земји во светот.

Содржина:
Во центарот на приказната е Сара, младата инспекторка која ги поминува последните денови, работјеќи во Одделот за убиства. Додека се опростува од колегите и се запознава со нејзиниот нов наследник, таа добива вознемирувачки нов случај кој ќе мора да го реши.

 

 

Се работи за случајот на едно нормално и секојдневно семејство, сопружниците Теис и Перниле кои планираат да се преселат во нов кварт во Копенхаген, но дента ги надвладува вистинска ноќна мора. Нивната 19 годишна ќерка е најдена силувана и мртва. Случајот се поврзува со политичарот Троелс, затоа што автомобилот во кој е најдена девојката бил користен за неговата изборна кампања. Траги кои би воделе до нови докази се најдени и во средното училиште каде учела жртвата. Прашањето е, како е автомобилот поврзан со случајот, како политичарот кој води беспоштедна кампања е поврзан со убиството. Истрагата е исврпувачка и тешка, но на виделина ќе открие многу општествени тајни и поврзаност на различни општествени структури на Копенхаген.

 

 

 

Дани | ТВ Пакет