Музичкиот состав „Фидбек Бенд“ подготвува нови песни

Музичкиот состав „Фидбек Бенд“ неодамна го промовираше својот најнов видеозапис за третата по ред студиска песна насловена како „Влези во мојот живот“, а деновиве активно подготвуваат нов материјал.

Во новиот материјал има преработка на македонски народни песни, но и регионални хитови. Целиот материјал се снима во живо.

Музичкиот состав „Фидбек бенд“ е составен од 5 музичари во комплетен вокално-инструментален состав и тоа: Јане Славов (вокал), Игор Гудески (тапани), Томислав Димовски (соло гитара), Бобан Клењоски (клавијатура и вокал) и Стефан Петрушев (бас гитара).