Британската воена серија „Светот во пламен“ на Телма телевизија

Воена серија во 13 продолженија на Телма во 22.15 часот, стартувајќи од среда (29 април).

Во летото 1939 година, на прагот на Втората светска војна, животите на обични луѓе од различни земји се преплетуваат во време на хаос и неизвесност.

Хари, млад преведувач од британската амбасада во Варшава, се вљубува во полската келнерка Каша, но нивната љубов е разнишана од германската инвазија и почетокот на војната.

Во исто време, во Манчестер останува Лоис – девојката која тој ја оставил зад себе, додека и таа, заедно со своето семејство, се соочува со предизвиците што ги носи судирот.

Серијата ги следи судбините на повеќе ликови: од новинари и лекари до војници и цивили, прикажувајќи како нацистичката закана се шири низ Европа и како секој од нив мора да донесе болни избори меѓу љубовта, должноста и опстанокот.

Од улиците на Варшава и Манчестер, до плажите на Данкерк, оваа драматична приказна ја доловува првата година од војната – кога светот се претвора во бојно поле, а обичните луѓе мораат да ја најдат својата сила за да преживеат.

Дани | ТВ Пакет