Почетна / МК Сцена / Само еден ден пред големиот концерт

Само еден ден пред големиот концерт

 

Најголемите хит мејкери на денешницата кои ни доаѓаат од Букурешт, Романија, добро познати на македонската публика по безвременските хитови Morena, Deep In love, Dancing, Shake it Mamma и многу други утре повторно пред македонските фанови.

 

 

Романската популарна двојка утре, на 24-ти ноември, ќе го има својот втор настап пред, според нив, највеселата публика досега – Mакедонците. На Скопскиот Саем во петтата хала ќе се случува светската промоција на нивниот најнов хит „Party night and day“ која изминатиот месец се снимаше во студиото на Дино Псарас, во Лондон.

 

Имено, оваа позната романска хит двојка првичниот контакт со Псарас го оствари на настанот кој пред 4 месеци ја соедини македонската публика и ја натера да игра и пее во ист ритам. На самиот настан, на кој покрај романската хит двојка, настапи и светски познатиот Дино Псарас, Морена и Том ја договорија соработката со Псарас, така што токму нивната средба и запознавање во Македонија е истовремено и причина за промоција на најновиот хит, повторно во Македонија, пред најразиграна публика. Се е подготвено за нивниот концертен настап, само утре наутро да пристигне двојката од Романија и може да започне најдобрата забава за втората половина од 2012. година. Организаторот подготви неколку интересни изненадувања за најголемите фанови на Морена и Том, така што дел од нив ќе може да имаат заеднички ручек, а други да се забавуваат со Морена во бекстејџот пред концертот. Цената на билетите изнесува 350 денари, а истите може да ги најдете во Тоbaco и Together дистрибутивната мрежа, Југотон и МК тикетс.

 

Најсреќните читатели на ТВ Пакет што добија по два гратиса за овој спектакл веќе се известени на нивните е-маил адреси. Се гледаме таму!

 

 

 

Крис Манев | ТВ Пакет

 

МОЖЕБИ ЌЕ ВЕ ИНТЕРЕСИРА

Видео | Вака изгледа кога од петни жили се пее песна од Скопски

За новогодишната ноќ, телевизија 24 емитуваше снимка од последното издание на Бела ноќ од октомври …

error: Содржината е заштитена!