Почетна / Телевизија / РТС на удар поради популарните старлети

РТС на удар поради популарните старлети

Задачата на секој јавен емитер е објавување на содржини од јавен интерес, односно еден од главните задачи на јавните сервиси е едукација и информирање на јавноста. Во последните неколку денови порталот Radio-televizija Srbija објави неколку таблоидни содржини поради што се најде на удар на критика на неколку медиуми што објавуваат слични информации.

Поталот Telegraf постапката на RTS ја нарече „скандалозна“: „На својата официјална веб страница Радио-телевизија Србија објави неколку текстови посветени на старлетите и полуголи фотографии на кои се гледаа нивните голи гради. Последната вест која се појави на овој сајт е приказната за британската старлета Марија Фаулер, која имала „мала незгода“ со гардеробата. Дали и овде важи правилото „наше е правото да знаеме се“, па јавниот сервис за кој плаќаме претплата објавува како британска ѕвезда од реално шоу доживеала непријатност при едно излегување така што и пукнал работ од фустанот, а на приложеноте фотографии доминира задникот на русокосата старлета“, пишува Telegraf.

Дискутабилно е дали објавувањето на таблоидни содржини на порталот на еден јавен сервис е оправдано и правилно, но дискутабилна е и статијата на Telegraf, односно дали тие искрено застанале во заштита на јавните интереси на граѓаните на Србија коишто плаќаат такса, или е во прашање страв од конкуренција дека во иднина сличните текстови ќе им бидат многу читани.

 

 

Chris | ТВ Пакет

 

МОЖЕБИ ЌЕ ВЕ ИНТЕРЕСИРА

Нема зима за Драган Вучиќ, од есен се сели на Телма

Секоја сезона на друга телевизиска фреквенција. Без Драган Вучиќ не се може. Познатиот македонски водител …