Дали по скоро 5 години емитување на „Стројник“, Алфа ќе смени нешто?

Српската риалити емисија “Стројник” започна со емитување на Алфа телевизија во почетокот на 2021 година и од тогаш, буквално секоја вечер е дел од прајмтајмот на телевизијата.

Освен тоа што емисијата секоја вечер оди од 19.15 часот до кај 22 часот, истата се репризира и следниот ден во 10 часот наутро.

Ударен термин со српска риалити емисија во која на српските стари моми и ергени им се бара брачен другар. И додека во соседните земји како европска Бугарија, европска Грција и (на сигурен пат кон ЕУ) Албанија, се емитуваат лиценцирани формати од светски квизови и шоуа, кај нас, на народот му се сервисира… Проводаџија.

Дали Алфа телевизија конечно ќе ги следи трендовите на другите телевизии во регионот и Европа и ќе вметне нови, премиерни и свежи содржини во ударните термини?

Дали македонските гледачи на националната Алфа ТВ заслужуваат да видат светска и премиерна програма – светски шоуа, светска забава, светски серии, светска продукција ?

Дали со сезоната 2025/2026, ќе има било какви новитети во програмската шема во прајмтајм  на Алфа или повторно политички дебати и Стројник ќе ја пополнуваат програмата?

| ТВ Пакет