Новиот македонски ситком „Цимери“ од понеделник на Алфа

 

Нова македонска серија, од понеделник на Алфа телевизија

 

Во понеделник на Алфа телевизија започнува новата хумористична играна серија „Цимери“. Проектот е дел од сопствената играна продукција на Алфа и ќе содржи 40 епизоди од по 30 минути. Ваков проект и недостасуваше на публиката, вели режисерот Бачовски, кој надополнува дека дејството опфаќа реални ситуации од животот со веродостоен игран приод.

 

Извршен продуцент на серијата е Тони Ристов, а се работи според идеја на Ефтим Трајчов.

Сценаријата ги напишаа Ефтим Трајчов, Елена Стојановска и Зоран Бојаровски. Главните улоги го толкуваат: Кристина Арсова, Снежана Киселичка, Миле Вратеоски, Милорад Ангелов, Ефтим Трајчов, Бојан Велевски и други македонски артисти.

 

 

Главните шест лика се Марко, Цветко, Митко, баба Цена, Финка и Свјатло Красимиров, кои ќе го прикажат животот на цимерите во Скопје низ комичните ситуации на нивниот секојдневен живот. Случките низ кои ќе ги градат ликовите се од современото живеење и се проткаени со хумористични и иронични заплети. Темите се актуелни, секојдневни и провокативни, од вработување и градење кариера до вљубување, сексуалност, па се’ до тоа како да се преживее во голем град.

Музичката тема на серијата “Цимери” ја изведуваат Куку Леле, а серијата е снимана во студиото на Алфа и на неколку локации во Скопје.

 

 

 

Дани | ТВ Пакет