Почетна / Забава / Евровизија / Еуфорично во Шведска. Како напредуваат подготовките?

Еуфорично во Шведска. Како напредуваат подготовките?

 – Еуфорично во Шведска –

14-ти, 16-ти, и 18-ти мај 2013

 

На 26-ти мај 2012-та година, Шведска со голема победа во Баку го доби правото за организација на наредното издание на најголемото и најгледаното музичко натпреварување во Европа, а победничката песна „Euphoria“, ги руши сите рекорди и стана најпопуларната победничка песна во последните неколку години, дури повеќе и од норвешката бајка (Alexander Rybak – „Fairytale“) од 2009-та година.

 

Каде и како до Шведска?

Кога се во прашање страните на светот, годинешниот домаќин Азербејџан беше во втората најисточна земја учесничка на Евровизија. Од друга страна, Шведска е четврта по ред најсеверна. До 2000-та година, на копно, до Шведска можеше да се стигне исклучиво поминувајќи го Балтикот, Русија, па на крајот Финска, но од тогаш беше пуштен во функција огромниот проект – тунел под морето од данскиот брег до пола пат, па огромниот мост од пола пат до шведскиот брег. Навистина изгледа фантастично и нема подобар начин метафорички да го претставиме влезот во новата Евросонг сезона. 2013-та година, навистина ќе биде посебна.

 

Зошто 2013-та година ќе биде посебна?

1. Домаќините Швеѓани меѓу другото се и препознатливи по најдобро организираниот национален избор за Евровизија. Кога веќе толку се грижат да Мелодифестивален изгледа перфектно, тогаш можеме само да замислиме што всушност ќе направат за главната работа – 58-то издание на Евровизија.

 

2. Во Стокхолм (иако се уште не е потврдено дека ќе биде град домаќин), напредува и изградбата на Friends Arena, која се гради од 2009-та година, а во функција треба да биде пуштена на 27-ми октомври годинава. Неизбежно е да се спомене дека таа ќе може да прими дури 65 илјади гледачи кога се во прашање музичките концерти. Исто така финалето на Мелодифестивален 2013-та година е закажно во оваа арена, а доколку се одбере и за официјална арена за Евровизија, пет дена после неа арената ќе биде домаќин и на Svenska Cupen Final 2013. Рекордот по гледачи досега го држи Данска во 2001-та година, кога на Паркен стадионот Евровизија во живо ја следеа 38 илјади луѓе. Швеѓаните не само што ќе го соборат рекордот, туку и ќе постават нова бројка, недостижна за многу години и домаќини кои ќе следат.

 

Промо за свеченото отворање на спортската арена:

3. Гласини околу изборот на водители:

Последните денови кружат многу гласини околу изборот на SVT за водители на Евросонг 2013. Најспомнувани се трите многу познати евровизиски имиња: Манс Зерменлоу, популарен шведски пејач, Сара Даун Финер, позната шведска пејачка и водителка на годинешниот Melodifestivalen, и најпознатото лице Елена Папаризу, победничка на Евросонг 2005-та, Гркиња родена и порасната во Шведска. Како и да биде, уверени сме дека водителите сигурно ќе бидат подобри од оние во Баку.

4. Потврдени земји учеснички:

Досега 21 земја официјално го потврди своето учество на идната Евровизија. Тоа се: Албанија, Австрија, Белорусија, Бугарија, Велика Британија, Данска, Ерменија, Естонија, Финска, Франција, Германија, Унгарија, Ирска, Израел, Норвешка, Романија, Словенија, Холандија, Шпанија, Шведска и Швајцарија.

Туристички водич за Стокхолм:

 

 

 

DarkShadow | ТВ Пакет

 

МОЖЕБИ ЌЕ ВЕ ИНТЕРЕСИРА

Видео | Тамара успеа да се пласира во финале, Македонија горда!

Вечерва, македонската претставничка Тамара Тодевска нè направи горди со својот настап на најголемиот европски избор …