РТС и оваа сезона инвестира во неколку нови српски серии

Почнувајќи од 15 септември, секој ден српските гледачи ќе гледаат нови домашни серии на РТС. „Руски конзул“, „Михољско лето“ и „Тврдина“ се новите наслови што Радио Телевизија Србија ќе ги претстави оваа есен. На задоволство на сите генерации на гледачи, доаѓаат и нови епизоди од омилената хумористична серија „Радио Милева“.

Во работните денови во 20 часот, почнувајќи од 15 септември, како гледачите во Србија, така и македонските гледачи преку сателитскиот канал на РТС, ќе ги следат новите авантури на добро познатата екипа од Ранкеова 12, во новата сезона на серијата „Радио Милева“.

Искуствата на неодоливата Милева Мајсторовиќ, мајсторски играна од Олга Одановиќ, нејзиното семејство и соседите – ќе нè насмеат до солзи и оваа есен.

Почнувајќи од 20 септември, ќе ја гледаме новата викенд серија „Руски конзул“. По успехот на истоимениот филм и роман од Вук Драшковиќ, серија од пет епизоди ги следи настаните што го дефинираа соживотот на Србите и Албанците во Косово.

По „Рускиот конзул“ гследува „Михољско лето“ – драмедија чиј заплет е сместен во старскиот дом „Феникс“. Низ 12 епизоди, серијата се занимава со авантурите на жителите на домот, медицинскиот персонал, како и посетителите на домот. И покрај нивната возраст, жителите поминуваат низ ситуации како борба за моќ, романтични љубовни триаголници, криминал и развој на нови пронајдоци и бизниси.

И исто примамлив наслов е и „Тврдината“, која ги следи животите на еден млад пар и нивните роднини и пријатели за време на турбулентните 1990-ти, кога Југославија се распаѓаше. Се фокусира на семејството и сè што тоа подразбира и значи: морални дилеми, конфликт и помирување и, пред сè, љубов.

Иако настаните во серијата се сместени во историскиот контекст на крајот на Југославија, справувањето со емоции блиски до сите ја прави универзална, а борбата за добро, за сопственото парче светлина во мрачно време ги учи нашите херои дека најсилната тврдина е семејство полно со љубов.

За љубителите на српската продукција, РТС / РТС Свет и оваа есен со одлична играна понуда.

Дани | ТВ Пакет