ТВ Пакет Единствен телевизиски информативен портал во Македонија
Од понеделник до петок во 21.20 часот. Серија за љубителите на семејните драми.
Керим е богат бизнисмен. Живее луксузно со својата сопруга Селда и нивните деца, несвесен дека една погрешна одлука може да го промени целиот негов живот. Одлука која ќе ги разниша семејните врски и љубовта ќе ја претвори во грев.
За да се оддолжи на човекот што му го спасил животот и починал, Керим ќе реши да ги донесе вдовицата и ќерката на тој човек во неговата куќа.
Имено, Фатма и ќерката Несрин доаѓаат во вилата на богатото семејство, кое од друга страна е изненадено што сосема непознати и сиромашни луѓе ќе живеат под нивниот кров.
Тие насетуваат дека дојденците не се такви какви што навидум изгледаат и сето тоа набрзо ќе им се удри како бумеранг.
Несрин е магепсана од богатството и раскошот во куќата, од манирите и облеката на госпоѓата Селда, од животот кој го живеат тие луѓе. Нејзината болна амбиција ќе ја надмине скромноста, а желбата за пари и моќ ќе ја одведе во погрешна насока.
Затоа, Несрин ќе го заведе Керим со цел да се омажи за него и да стане идната господарка на куќата.
Класична драма за гревот што ќе ја надвладее и љубовта. За лудоста да се има она кое не смее, за опсесијата да се растури она што е најсвето.
Дани | ТВ Пакет
