„Фидбек Бенд“ со музичко освежување пред почетокот на летото

Музичкиот состав кој долги години успешно функционира на домашниот пазар, „Фидбек Бенд“ ја објави својата нова песна која го носи насловот „Пали Запали“, а за истата снимија и видео запис.
Станува збор за балада испреплетена со силни емоции и огромна љубов, приказна која ќе допре до многумина. Музиката и текстот се дело на Драган Ристовски – Дац и Гога Вучиќ, аранжманот на Дац, а комплетното аудио заедно со видео запис е во продукција на „Индустриал Медиа“.

– Најголемиот дел од песната „Пали Запали“ беше готов уште кога пред неколку месеци на нашиот бенд му се приклучи маестралниот вокал Александар Тасевски. Чекавме погоден момент за да ја објавиме и среќни сме што конечно проектот ја виде светлината на денот. Очекуваме да биде одлично прифатена од публиката и нашите поддржувачи, како и претходните проекти на кое работевме. Иако имаме бројни активности овој период, сепак, не ја оставаме јавноста долго без нешто ново и свежо, велат од бендот.
Музичкиот состав „Фидбек Бенд“ повеќе од деценија успешно функционира на домашниот пазар и во просек настапува на повеќе од 100 настани во текот на една календарска година. Пред неколку месеци, маестралниот вокал Александар Тасевски му се приклучи на тимот и заедно продолжуваат да градат нова приказна низ проектите на кои вредно работат.

Дани | ТВ Пакет