По промените во менаџментот, се враќа и Словачка на Евровизија 2026?

Скоро еден месец по завршувањето на Евровизија 2025 во Базел, и победата на Австрија, некои земји уште веднаш го потврдија своето учество за 2026. Интересно е што Словачката радиодифузна компанија STVR ќе го процени учеството на Евровизискиот натпревар по промените во менаџментот на јавниот сервис.

Во разговор за ESC Spot, Филип Пуховски, претставник на Одделот за маркетинг и комуникации на словачката радиодифузна компанија STVR, изјави дека ќе го разгледа учеството на Евровизискиот натпревар. Во изјава за веб-страницата, каналот истакна дека: „Учеството на Словачка на Евровизија беше предмет на неколку интерни анализи во минатото. Одамна е докажано дека трошоците за целосно учество – вклучувајќи ги надоместоците за лиценцирање, продукцијата и логистиката – се непропорционално високи во однос на приходите или јавната перцепција.“

Тие додадоа дека Словачка би можела да го испита потенцијалот за соработка со приватни спонзори за да овозможи учество во натпреварот:
„Словачка е мала земја со ограничен медиумски пазар и јавен буџет. Некои земји со слична големина учествуваат на Евровизија, но често во соработка со приватниот сектор или со поддршка на спонзорски партнери.

Размислувајќи за овие предизвици и можности, тие додадоа дека каналот ќе го преиспита своето потенцијално учество во натпреварот и би можел да се врати доколку се исполнат одредени фактори:
„Со доаѓањето на ново, соодветно избрано раководство на STVR, планираме да го преиспитаме учеството на Словачка во меѓународни проекти, вклучително и Евровизија.“

Словачка последен пат учествуваше на Евровизија во 2012 година, кога Макс Џејсон Мај заврши последен во второто полуфинале со „Don’t Close Your Eyes“. Монако моментално разгледува дали ќе учествува на Евровизија 2026, откако последен пат учествуваше во 2006 година.

Дани | ТВ Пакет