ТВ Пакет Единствен телевизиски информативен портал во Македонија
Новогодишната вечер на Канал 5 телевизија доживејте ја со музиката на познатото хумористично трио К15 и ју рок бендот Бијело Дугме. За разлика од другите телевизии кои како и секоја година одлучија за новогодишната ноќ да прикажуваат студиски новогодишни прослави, Канал 5 реши за нешто поинаква програмска шема.
Бранко Огњановски, Васко Тодоров и Бубо Каров со ентузијазам оваа година прославија 30 години јубилеј од својата прва емисија, односно од почетокот на култното комично шоу со Миле Паника, Тошо Малерот, Цацко Конопишки и другите популарни ликови.
„Подготовките за скечевите нѐ потсетуваат на најубавите времиња кога бевме во полна творечка кондиција. Денес, врвната сценска техника, осветлување и видеобимови овозможуваат да се комбинираат содржините на видео со жив настап, збогатени со оркестарот на Џијан, а сето тоа Синиша како режисер ќе го искомбинира на најдобар начин.
Сепак, главен фокус ни е да се одржи оригиналноста и да се создаде свежина во скечевите, што не е лесна работа поради постоечките стандарди и очекувањата на публиката“, посочија од бендот пред концертот.
По ова телевизиско шоу, од 23 часот ќе се емитува концерт на најпознатиот ЈУ бенд Бијело Дугме.
Дани | ТВ Пакет
