Хрватска на Евровизија

22/43

 ХРВАТСКА

Изведувач: Nina Badrić
Песна: ‘Nebo’
2 Полуфинале (24/05/2012)

 

По минатогодишниот неуспех, Хрватска годинава се обиде да го следи примерот од нејзините соседи, и да прати еден од своите најуспешни музичари на Евровизија. Не можеа подобар избор да направат од Нина Бадриќ, но сепак не можеа пак и да не направат грешка. Нина за својa песна ја избра „Небо“ од нејзиниот најнов истоимен албум. Но, според мене, а и според многу други, таа направи погрешен избор. Едноставно годинава Евровизија е полна со балади, а нејзината балада е една од послабите, и се губи покрај сите тие. Доброто е што таа ја остави на хрватски јазик, лошото е што најновата верзија е уште полоша од претходната. Мојот избор за неа беше „Dat ce nam Bog“, предобра песна која верувам дека добро ќе котираше во ова полуфинале. Инаку тие песната ја претставија на 8-ми февруари, едно прекрасно шоу каде што само Нина беше центарот на вниманието. Како нејзини гости се појавија и Калиопи, Хари Мата Хари, Маја Сар и други. Што се однесува до влезот во Финале, навистина мислам дека ништо не е сигурно, бидејќи имаат ужасен број на настапување, меѓу Словенија и Шведска, две песни кои мислам дека ќе привлечат поголемо внимание, и едноставно песната на Нина ќе се изгуби меѓу нив.

 

 

 

 

DarkShadow | ТВ Пакет