ТВ Пакет Единствен телевизиски информативен портал во Македонија
„Музичка фабрика“ е прв национален културно-образовен музички проект за деца, кој создава авторски песни и открива млади таленти од целата држава. „Музичка фабрика” се реализира како телевизиски и дигитален формат, со што детската музика добива современ медиумски простор и поширока видливост.
Фокусот на „Музичка фабрика” не е натпреварувањето, туку процесот на учење, создавање и личен развој. Од првите аудиции, преку креативниот процес и работата со професионалци, па сè до студиска продукција и јавна промоција, проектот има за цел да им овозможи на децата целосно музичко искуство.
Во рамки на проектот, избраните учесници поминуваат низ целосен креативен процес – од првичната идеја, преку студиска работа и подготовка, до изведба на оригинални композиции. Кулминација на секој проектен циклус е голем ревијален музички настан, реализиран во соработка со национални културни институции и медиуми.
Гледајте го шоуто „Музичка фабрика“ во понеделник, среда и петок од 19:00 часот на МРТ 1.
Дани | ТВ Пакет
